Балалардың жас мөлшері: 6-16 жас
Орыс тілінің практикалық мақсаты – оқушылардың сөздік қорын байыту, орысша ауызекі дұрыс сөйлеуге, сауатты жазуға үйрету, бір-бірімен сөйлесуге, оқығанын, көргенін, естігенін қысқаша әңгімелеп беруге жаттықтыру.
Орыс тілінің білімділік мақсаты – орыс тілін пән ретінде оқыту арқылы оқушыларға орыс халқының тұрмысы, мәдениеті, тілі туралы мағлұматтар беру.
Орыс тілінің тәрбиелік мақсаты – орыс тілімен танысу арқылы оқушыларды азаматтық, адамгершілік рухта тәрбиелеуге мүмкіндік туғызу.
Орыс тілді үйрену арқылы оқушылар орысша ауызекі сөзге түсініп, өздері орыс тілінде көріп-білгенін, оны айтып, жаза алатын дәрежеге жетеді.
Балалардың жас мөлшері: 6-16 жас
Ағылшын тілін үйрету қиын да, қызықты жұмыс. Оқыту процесінде тілді дұрыс үйрету ауызша сөйлеу, сауатты жазу, мәнерлеп оқыту өте маңызды. Оқушылардың ағылшын тілін біліп қана қоймай, оның тарихын, ұлттық мәдениетін білуге көп көңіл бөлінеді. Ағылшын тілін оқытудағы білімділік мақсаты – шетел тілінде сөйлеуді үйрету, байланыста бола алу мен ортақ тіл табысып, қарым-қатынасты нығайтуға ұмтылу болса, тәрбиелік мақсаты – өзге адамдарды тыңдау мәдениетін қалыптастыру негізінде өз пікірін айта алу және қорғай алуды қалыптастыру.
Балалардың жас мөлшері: 6-16 жас
Түрік тілі үйірмесінде оқушылардың түрік тіліне деген қызығушылығын арттырып, олардың тілдік қабілеттерін дамыту бағытында жұмыс жүргізіледі. Үйірмеде оқушылар тілдерді меңгеріп білім берудің сабақтастығын қамтамасыз етеді.
Балалардың жас мөлшері: 6-16 жас
Қазақ тілі – Қазақстан Республикасының мемлекеттік тілі. Мемлекеттік тіл – еліміздегі халықтар бірлігінің негізгі факторы, ұлтаралық қарым-қатынастың ұйытқысы. Қазақ тілін мемлекеттік тіл ретінде құрметтеу – Қазақстанда тұратын барлық халықтың негізгі міндеті. Тіл – халықтың жеңістері мен жетістіктерінің, ұлттық құндылықтары мен өмір сүру салтының көрінісі. Қосымша білім беру ұйымдарында оқытылатын «Қазақ тілі» үйірмесі білім деңгейі, ой-өрісі дамыған, өз ойын еркін жеткізе алатын, туындаған мәселелерді шеше білетін, өмірге бейім, жаңашыл ұрпақ тәрбиелеуге негіз қалайды.
Балалардың жас мөлшері: 6-16 жас
Кәріс тілі үйірмесінде оқушылардың кәріс тіліне деген қызығушылығын арттырып, олардың тілдік қабілеттерін дамыту бағытында жұмыс жүргізіледі. Үйірмеде оқушылар тілдерді меңгеріп білім берудің сабақтастығын қамтамасыз етеді.